1. Անուղղակի խոսքը դարձրու ուղղակի
Նա զայրացած պատասխանեց ընկերներին, որ նախ՝ ինքը պարտավոր չէ բացատրություններ տալ նրանց և երկրորդ՝ թույլ չի տա խառնվելու իր ընտանեկան գործերին:
Նա զայրացած պատասխանեց ընկերներին.
– Նախ ես պարտավոր չեմ բացատրություններ տալ ձեզ և երկրորդ՝ թույլ չեմ տա խառնվելու իմ ընտանեկան գործերին:
Բժիշկն ասաց պրոֆեսորին, որ նա ժամանակին իրեն շատ ու շատ է օգնել խորհուրդներով, և ինքն այդ ամենի համար շնորհակալ է:
Բժիշկն ասաց պրոֆեսորին.
– Դուք ժամանակին ինձ շատ ու շատ եք օգնել խորհուրդներով, և ես այդ ամենի համար շնորհակալ եմ:
Մի օր Մարտիրոս Սարյանը խոստովանեց, որ եթե տարիներ առաջ իրեն բախտ վիճակվեր հանդիպելու Կոմիտասին, ինքը ծնկի կիջներ, կհամբուրեր աջն ու կասեր, որ իր պապերն անգամ նրա երգերն են երգել:
Մի օր Մարտիրոս Սարյանը խոստովանեց.
– Եթե տարիներ առաջ ինձ բախտ վիճակվեր հանդիպելու Կոմիտասին, ես ծնկի կիջնեի, կհամբուրեի աջն ու կասեի, որ իմ պապերն անգամ նրա երգերն են երգել:
Տնօրենը Գոգենին ուղղված նամակում գրում է, որ ինքը երբեք չի խրախուսի նրա արվեստը, որը չի հասկանում, և որը զայրացնում է իրեն, և քանի որ այն չափից ավելի հեղափոխական է:
Ֆրանսիայի ակադեմիայի տնօրենը Գոգենին ուղղված նամակում գրում է.
– Ես երբեք չեմ խրախուսի ձեր արվեստը, որը չեմ հասկանում, և որը զայրացնում է ինձ, և քանի որ այն չափից ավելի հեղափոխական է: