Ո՞րն է գույների նշանակությունը հոգեբանության մեջ:
Գոյություն ունի գույնի մասին մի ամբողջ գիտություն, որն իր մեջ ներառում է գիտելիքներ գույնի մասին։ Գույները փոխում են զգացողությունը, զգացմունքների մեր ընկալումը: Գույների իմաստը հասկանալու իմացությունը մարդու վարքագիծը հասկանալու բանալին է: Պարզ օրինակի համար պատկերացրեք խաղալիք փոքրիկների համար: Ամենայն հավանականությամբ, դուք գտել եք վառ, ուրախ չախչախ կամ փայլուն, հակապատկեր զվարճալի խաղալիք: Եվ հիմա պատկերացրեք նույն խաղալիքը, բայց ամբողջովին սև, արծաթագույն գույներով։
Մեր ողջ կյանքի ընթացքում մենք կապում ենք այն ամենը, ինչ տեսնում ենք այս կամ այն գույնի հետ: Մենք դա անում ենք ամեն օր և չենք էլ մտածում դրա մասին։ Սակայն, երբ մենք հանկարծ նկատում ենք, օրինակ, կապույտ բանան, նարնջագույն աչքի ոսպնյակներ կամ դեղին ծառ, դա մեզ զարմացնում է։
Սպիտակը
Սպիտակը ասոցացվում է մաքրության և թարմության հետ:Դրական ասոցիացիաներն են՝ մաքրությունը, անմեղությունը, պարզությունը: Բացասականներն են՝ դատարկությունը, անտարբերությունը: Ահա մի քանի առանձնահատկություն գույնի հոգեբանության հետ կապված՝
- Այն ներառում է մաքրություն և հարմար է ժամանակակից բրենդների համար:
- Հաճախ օգտագործվում է կազմակորպությունների դիզայնում, որպես գերիշխող գույն:
- Անհաջող օգտագործմամբ կարող է դառնալ անտարբերության և ծուլության խորհրդանիշ:
Կարմիրը
Կարմիր գույնի դրական էներգիան ասոցացվում է ուժի, էներգիայի, անվախության հետ: Բայց կա նաև բացասական կողմ՝ կարմիր գույնը կարող է ասոցացվել վախի, վտանգի, ցավի և սպառնալիքի հետ: Գույնի հոգեբանության մեջ կարմիրի մի քանի առանձնահատկություններ՝
- Կարող է հավասարապես առաջացնել դրական և բացասական զգացմունքներ:
- Ստեղծում է հրատապության ազդեցություն, որը կարող է լինել շահավետ վաճառքի մեջ օգտագործելու համար:
- Բացում է ախորժակը, կարող է օգտագործվել սննդի և արագ սննդի ոլորտներում:
- Օգնում է բարձրացնել զարկերակը, այնպես, որ այն հաճախ օգտագործվում է բարձր արագությամբ ավտոմեքենաների և ներքնազգեստի գովազդային արշավներում:
Նարնջագույնը
Նարնջագույնը կարող է հանգեցնել հետևյալ դրական հույզերին՝ մարդամոտություն, ջերմություն, ինչ-որ նոր բան սկսելու ցանկություն: Այն կարող է նաև բացասական զգացմունքներ առաջացնել՝ հիասթափություն, ինչ-որ բան կորցնելու զգացում: Գույնի հոգեբանության մեջ նարնջագույնի մի քանի առանձնահատկություններ՝
- Նարնջագույնը ստեղծում է ջերմության զգացում, այն կարելի է համեմատել արևի հետ:
- Համարվում է, որ նարնջագույնը ստեղծում է ուրախություն և դրական հույզեր:
- Շատերը նարնջագույնի մուգ երանգները կապում են աշնան հետ, և դա կարող է օգտակար լինել «երկրային» ապրանքանիշերի համար:
- Մեծամասնությունը նարնջագույնը համարում են «աղքատ» գույն:
Դեղինը
Դրական ազդեցություններ, որոնք կարող է առաջացնել դեղինը՝ լավատեսություն, ջերմություն, երջանկություն, ստեղծագործելու ցանկություն: Բացասական ազդեցություններն են՝ վախ, անտեղյակություն, վրդովմունք: Դեղինի մի քանի առանձնահատկություններ գույնի հոգեբանության մեջ՝
- Դեղին գույնը երիտասարդության, երջանկության, ուրախության և արևի խորհրդանիշն է:
- Կախված լուսավորությունից դեղինի որոշ երանգներ կարող են կեղտոտ թվալ:
- Հաճախ ավելի մեծ ազդեցություն ունի, երբ օգտագործվում է ինչ-որ ավելի մուգ գույնի հետ:
Կանաչը
Ըստ գույնի հոգեբանության՝ կանաչը համարվում է առողջության, թարմության, բնության, մաքրության և աճի խորհրդանիշ: Բացասական ասոցիացիաներից են՝ ձանձրույթը, զոհաբերությունը, թուլությունը: Մարդիկ, ովքեր նախընտրում են կանաչը, հոգեբանական տեսանկյունից համարվում են բաց և ընկերասերԳույնի հոգեբանության մեջ կանաչի առանձնահատկություններից են՝
- Գույնը հանգստացնում է աչքերը և համարվում է առողջության խորհրդանիշ:
- Կանաչը ասոցացվում է թարմության հետ:
- Շատ տարածված գույն է էկո բրենդների, դեղագործական ընկերությունների շրջանում:
- Ինչպես նաև գույնը սիրվել է բիզնես ոլորտում՝ բանկեր, ֆինանսական կազմակերպություններ:
Կապույտը
Կապույտը աշխարհում ամենասիրված գույնն է։ Ըստ գույնի հոգեբանության՝ կապույտը ասոցացվում է հետևյալ զգացմունքների հետ՝ վստահություն, հավատարմություն, տրամաբանություն, խաղաղություն, անվտանգություն: Կապույտը նախընտրողների անհատական բնութագրերն են՝ նվիրվածությունը, հասարակ լինելը, քաղաքակիրթ լինելը: Բացասական ասոցիացիաներն են՝ սառնությունը, մեկուսացումը, անտարբերությունը:Գույնի հոգեբանական առանձնահատկություններից են՝
- Կապույտ գույնը ունի արտահայտված հանգստացնող ազդեցություն:
- Կապույտը ուժի և ազատության գույնն է, որն օգտագործում են բազմաթիվ բրենդներ:
- Բնության մեջ չկա կապույտ գույնի բնական սնունդ:
- Կապույտ գույնը հանգստության խորհրդանիշն է:
Մանուշակագույնը
Ըստ գույնի հոգեբանության՝ մանուշակագույնը ասոցացվում է հետևյալ զգացմունքների հետ՝ ազատություն, երևակայություն, հարստություն: Մանուշակագույնի սիրահարների անհատական բնութագրերն են՝ զգայունությունը, հասկացողությունը: Բացասական ասոցիացիաներն են՝ անկանոն տրամադրություն, դաժանություն, դեպրեսիա: Ձեզ ենք ներկայացնում մի քանի հիմնական առանձնահատկություններ, որոնք օգտակար են հատկապես մարքեթինգային ընկերությունների համար՝
- Պատմականորեն մանուշակագույնը ասոցացվում է գերազանցության և հարստության հետ:
- Հարմար է այն բրենդների համար, որոնք պետք է դիրքավորվեն որպես հեղինակավոր բրենդ:
- Այն հարմարվում է բավականին շռայլ, ուստի այն պետք է օգտագործել զգուշությամբ:
- Մուգ երանգները հանգստացնում են, կարող են օգտագործվել կանացի բրենդներում:
Վարդագույնը
Վարդագույնը վառ և նկատելի գույն է, այդ պատճառով միայն մի քանի բրենդներ են համարձակվել իրենց լոգոներում օգտագործել այն:
Վարդագույնը գույնի հոգեբանության տեսանկյունից նույնպես ունի դրական և բացասական կողմեր: Դրականներից են՝ կիրքը, ստեղծագործելու ունակությունը, ձգտումը դեպի նորը: Վարդագույնը նախընտրողների անհատական բնութագրերն են՝ ձգտումը դեպի նորը, գործնական լինելը: Բացասականներից են՝ վրդովմունքը, ըմբոստությունը, թեթևամտությունը: Գույնի առանձնահատկություններից են՝
- Վարդագույնը ամենավառ և ամենատարածված գույնն է, որը ասոցացվում է իգական սեռի հետ:
- Այն կարող է լինել հիանալի լրացում բրենդի ֆիրմային ոճի հիմնական գույնին
- Վարդագույնը հարմարավետ գույն է, որը ասոցացվում է հույսի հետ:
Սևը
Սևը համարվում է դասական գույն, և դա հաճախ ասոցացնում են սգի հետ, ինչը սխալ է: Դրական ասոցիացիաներն են՝ էլեգանտություն, անվտանգություն, ուժ, իշխանություն, հարստություն: Բացասականները՝ սառնություն, զայրույթ, վտանգ, ճնշում, դեպրեսիա, սուգ: Սևը սիրող մարդկանց անձնային հատկանիշներն են՝ վճռականությունը, ինքնավստահությունը, լրջությունը: Առանձնահատկություններն են՝
- Սևը ազդեցիկ գույն է, որը հաճախ ասոցացվում է ուժի և շքեղության հետ:
- Մեկ այլ վառ գույնի և սևի համադրությունը յուրահատուկ է և նրբագեղ:
- Լյուքս-բրենդները այսօր ընտրում են սև և սպիտակ երանգները:
- Հարմար է նորաձևության և առողջության ոլորտների համար:
Գրականություն՝
Գույների հոգեբանությունը։
Գույները ձեր հոգեբանության մասին
Գույների հոգեբանությունը մարքեթինգում: